జంగారెడ్డిగూడెం మున్సిపల్ చైర్మన్ అభ్యర్థిగా రొంగలా అనూష
చింతలపూడి ఎమ్మెల్యే రోషన్ కుమార్‌కు స్వీట్లు తినిపించి శుభాకాంక్షలు తెలిపిన అనూష
జంగారెడ్డిగూడెం: జంగారెడ్డిగూడెం మున్సిపల్ చైర్మన్ అభ్యర్థిగా తెలుగుదేశం పార్టీ నుంచి కూటమి తరఫున రొంగలా అనూషను పార్టీ అధిష్టానం ప్రకటించింది. ఈ ప్రకటనతో పట్టణ టీడీపీ కార్యాలయంలో సందడి నెలకొంది. చైర్మన్ అభ్యర్థిగా అవకాశం దక్కించుకున్న అనూషకు పార్టీ నాయకులు, కార్యకర్తలు స్వీట్లు తినిపించి అభినందనలు తెలిపారు.
ఈ సందర్భంగా చింతలపూడి శాసనసభ్యుడు రోషన్ కుమార్‌కు రొంగలా అనూష స్వీట్లు తినిపించి శుభాకాంక్షలు తెలిపారు. పట్టణ టీడీపీ అధ్యక్షుడు కొండ్రెడ్డి కిషోర్‌తో పాటు పలువురు పార్టీ నాయకులు అనూషకు అభినందనలు తెలియజేశారు. కూటమి నాయకులు, కార్యకర్తలు ఈ కార్యక్రమంలో పాల్గొన్నారు.
మున్సిపల్ చైర్మన్ అభ్యర్థిగా ప్రకటించిన నేపథ్యంలో రొంగలా అనూష రేపు నామినేషన్ దాఖలు చేయనున్నారు. ఈ కార్యక్రమానికి చింతలపూడి ఎమ్మెల్యే రోషన్ కుమార్‌తో పాటు కూటమి నాయకులు హాజరుకానున్నారు.
