మృతుడి కుటుంబానికి చాట్రాయి సహకార సంఘం నుంచి రూ.10 వేల ఆర్థిక సాయం

ఏలూరు జిల్లా చాట్రాయి మండలం చాట్రాయి సహకార సంఘం అప్పుదారుడు మొండ్రు సహదేవు 2026 సెప్టెంబర్ 12న మరణించడంతో, ఆయన కుటుంబానికి సంఘం తరుపున మట్టి ఖర్చుల నిమిత్తం రూ.10 వేల ఆర్థిక సహాయం సంఘం ఛైర్పర్సన్ తుమ్మల రామ్మోహనరావు మృతుని కుమారుడు మొండ్రు సతీష్ కుమార్‌కు అందించారు.

ఈ కార్యక్రమంలో సంఘ కార్యదర్శి వాసు, డైరెక్టర్లు కాలసాని సత్యనారాయణ, దివ్వెల జయరాజు, జనసేన పార్టీ మండల ఉపాధ్యక్షుడు తుమ్మల జగన్మోహనరావు, జనసేన నాయకుడు తుమ్మల కరుణాకర్, టీడీపీ నాయకుడు రాజేష్‌తో పాటు సంఘ సిబ్బంది కనుకా రావు తదితరులు పాల్గొన్నారు. ఈ సందర్భంగా దివంగత మొండ్రు సహదేవు కుటుంబ సభ్యులకు తమ ప్రగాఢ సానుభూతిని తెలియజేశారు.