సంకష్టహర చతుర్థి సందర్భంగా శ్రీకాళహస్తి క్షేత్రంలో గణపతి హోమం

తిరుపతి జిల్లా శ్రీకాళహస్తి క్షేత్రంలో సంకష్టహర చతుర్థి సందర్భంగా శ్రీ గణపతి స్వామివారికి విశేష పూజలు నిర్వహించారు. ఆలయ అర్చకులు శాస్త్రోక్తంగా గణపతి హోమాన్ని నిర్వహించారు.

వేదపండితుల వేదమంత్రోచ్చారణల మధ్య హోమక్రతువు కొనసాగగా, అనంతరం పూర్ణాహుతి సమర్పించారు. విఘ్నేశ్వరుని అనుగ్రహంతో భక్తుల సంకష్టాలు తొలగి, చేపట్టిన ప్రతి కార్యం నిర్విఘ్నంగా నెరవేరాలని ప్రత్యేక ప్రార్థనలు చేశారు.

భక్తులకు సుఖశాంతులు, ఆయురారోగ్యాలు, ఐశ్వర్యాలు కలగాలని స్వామివారిని వేడుకున్నారు. సంకష్టహర చతుర్థి సందర్భంగా శ్రీకాళహస్తి ఆలయంలో భక్తిశ్రద్ధలతో ప్రత్యేక పూజా కార్యక్రమాలు నిర్వహించారు.