మలేషియాలో ఘనంగా సంక్రాంతి సంబరాలు
తెలంగాణ
మలేషియాలో ఘనంగా సంక్రాంతి సంబరాలు
వేడుకల్లో పాల్గొన్న కోలా సోమశేఖర్
NTODAY NEWS: మలేషియా
మలేషియా రాజధాని Kuala Lumpurలో మలేషియా ఆంధ్ర అసోసియేషన్ ఆధ్వర్యంలో నిర్వహించిన సంక్రాంతి సంబరాలు ఘనంగా జరిగాయి. ఈ కార్యక్రమానికి పుంగనూరు జనసేన నాయకుడు, VSR డెవలపర్స్ (బెంగళూరు) ప్రతినిధి Kola Somashekar ముఖ్య అతిథిగా హాజరయ్యారు.
ఈ వేడుకల్లో ఎలమంచిలి జనసేన ఎమ్మెల్యే Vijay Kumar, పెనమలూరు ఎమ్మెల్యే Bode Prasadతో పాటు మలేషియాలోని ప్రజాప్రతినిధులు పాల్గొన్నారు.
సంక్రాంతి సంబరాల సందర్భంగా మలేషియా ఆంధ్ర అసోసియేషన్ సభ్యులు కోలా సోమశేఖర్ను ఘనంగా సన్మానించారు. అనంతరం ఆయన మాట్లాడుతూ, విదేశాల్లో నివసిస్తున్న తెలుగు ప్రజలు తమ సంస్కృతి, సంప్రదాయాలను మరిచిపోకుండా సంక్రాంతి వంటి పండుగలను ఘనంగా నిర్వహించడం అభినందనీయమని అన్నారు. భవిష్యత్ తరాలకు తెలుగువారి సంప్రదాయాలు తెలియజేసేలా పండుగలను మలేషియాలో నిర్వహించడం గొప్ప విషయమని పేర్కొన్నారు.
ఈ కార్యక్రమానికి తనను ముఖ్య అతిథిగా ఆహ్వానించిన మలేషియా ఆంధ్ర అసోసియేషన్ సభ్యులకు ఆయన కృతజ్ఞతలు తెలిపారు. అనంతరం తెలుగు సినిమా కళాకారుల ప్రదర్శనలు, చిన్నారుల నృత్యాలు ప్రేక్షకులను ఆకట్టుకున్నాయి.
-పుంగనూరు ప్రతినిధి రాఘవేంద్ర రాజు
#SankrantiCelebrations #TeluguDiaspora #MalaysiaAndhraAssociation #KualaLumpur #IndianCultureAbroad #TeluguTraditions #JanaSena
Follow us on
Website
Facebook
Instagram
YouTube 
