జనసేనకు షాక్‌.. వైఎస్సార్‌సీపీలో చేరిన అల్లవరపు రమణబాబు
- సుమారు 70 మంది కార్యకర్తలు, అనుచరులతో కలిసి వైఎస్సార్‌సీపీలో చేరిక
మునగపాక | ఎన్ టుడే న్యూస్‌:
ఎలమంచిలి నియోజకవర్గం మునగపాక మండలం పల్లపు ఆనందపురం గ్రామానికి చెందిన జనసేన మండల సీనియర్‌ నాయకుడు అల్లవరపు రమణబాబు తన వెంట సుమారు 70 మంది జనసేన కార్యకర్తలు, అనుచరులతో కలిసి వైఎస్సార్‌సీపీలో చేరారు. ఈ చేరికతో స్థానికంగా రాజకీయ ప్రాధాన్యత సంతరించుకుంది.
వైఎస్సార్‌సీపీ మండల పార్టీ అధ్యక్షుడు అచ్చం నాయుడు ఆధ్వర్యంలో జరిగిన ఈ కార్యక్రమంలో ఎలమంచిలి నియోజకవర్గ సమన్వయకర్త కరణం ధర్మశ్రీ, అనకాపల్లి జిల్లా వైఎస్సార్‌సీపీ అధ్యక్షుడు బొడ్డెడ ప్రసాద్‌, అనకాపల్లి పార్లమెంట్‌ పరిశీలకురాలు శోభ హైమావతి పాల్గొన్నారు.
ఈ సందర్భంగా అల్లవరపు రమణబాబు, ఆయన వెంట వచ్చిన కార్యకర్తలు, అనుచరులకు వైఎస్సార్‌సీపీ కండువాలు కప్పి పార్టీలోకి ఆహ్వానించారు. జనసేనకు చెందిన సీనియర్‌ నాయకుడితో పాటు సుమారు 70 మంది కార్యకర్తలు వైఎస్సార్‌సీపీలో చేరడంతో పల్లపు ఆనందపురం గ్రామంతో పాటు మునగపాక మండలంలో ఈ పరిణామం చర్చనీయాంశంగా మారింది.
ఈ కార్యక్రమంలో వైఎస్సార్‌సీపీ నాయకులు, కార్యకర్తలు పాల్గొన్నారు.
