అంకాళమ్మకు విశేష పూజలు నిర్వహణ

తెలంగాణ

21 Feb, 2026 - 10:46 AM

110 వీక్షణలు

అంకాళమ్మకు విశేష పూజలు నిర్వహణ NTODAY NEWS: శ్రీశైలం, నంద్యాల జిల్లా ప్రతినిధి మల్లికార్జున లోకకల్యాణం కోసం శ్రీశైల క్షేత్ర గ్రామదేవత అంకాళమ్మకు శుక్రవారం (20.02.2026) ఉదయం అభిషేకం, విశేష పూజలు నిర్వహించబడినట్లు దేవస్థానం కార్యాలయం తెలిపింది. ప్రతి శుక్రవారం దేవస్థానం సేవగా అంకాళమ్మకు విశేష పూజలు నిర్వహించడం ఆనవాయితీగా కొనసాగుతోంది. ఇందులో భాగంగా అభిషేకం, విశేష అర్చనలు, పుష్పాలంకరణ, కుంకుమార్చనలు నిర్వహించబడ్డాయి. అంకాళమ్మ ఆలయం ప్రధాన ఆలయానికి ఎదురుగా ఉన్న రహదారి చివర కుడివైపున ఉత్తరాభిముఖంగా ఉంది. దేవీభాగవతం ప్రకారం గ్రామదేవతలు ప్రకృతి శక్తుల ప్రతిరూపాలుగా భావించబడుతున్నాయి. చతుర్భుజాలుతో ఉన్న దేవి కుడి చేతుల్లో కత్తి, సర్పంతో చుట్టబడిన డమరుకం, ఎడమ చేతుల్లో పానపాత్ర, త్రిశూలం ధరించి ఉంటుంది. కార్యక్రమం ప్రారంభానికి ముందు మహాగణపతి పూజ నిర్వహించారు. అనంతరం లోకకల్యాణాన్ని సంకల్పంగా ఉంచుకుని అర్చకులు సంకల్ప పఠనం చేశారు. పంచామృతాభిషేకం, హరిద్రోదకం, కుంకుమోదకం, గంధోదకం, పుష్పోదకం, జలాభిషేకాలతో విశేష పూజలు నిర్వహించారు. #Srisailam #Ankalamma #TempleRituals #FridayPuja #SpiritualNews #AndhraPradesh #HinduTradition Follow us on Website Facebook Instagram YouTube