యాదగిరిగుట్టలో శాస్త్రోక్తంగా శ్రీవారి నిత్య కల్యాణం
తెలంగాణ
/
యాదాద్రి భువనగిరి
/
యాదగిరిగుట్ట
Kola Mahesh
Munugodu Constituency
- స్వామివారి కల్యాణోత్సవంలో పాల్గొన్న భక్తులు
యాదాద్రి భువనగిరి జిల్లా, అక్టోబర్‌ 25 | ఎన్ టుడే న్యూస్‌:
యాదగిరిగుట్ట శ్రీ లక్ష్మీనరసింహస్వామి ఆలయంలో స్వామివారి నిత్య కల్యాణోత్సవాన్ని ఆదివారం అర్చకులు శాస్త్రోక్తంగా నిర్వహించారు. వేద మంత్రోచ్ఛారణలు, సంప్రదాయ ఆచారాల నడుమ స్వామివారు, అమ్మవార్ల కల్యాణ వేడుకను ఆగమశాస్త్ర విధానంలో జరిపించారు.
ఉదయం స్వామివారికి సుదర్శన నారసింహ హోమం నిర్వహించిన అనంతరం, వేదపారాయణ మండపంలో స్వామివారు, అమ్మవార్లను వేంచేపు చేశారు. అనంతరం అర్చకులు ప్రత్యేక పూజలు నిర్వహించి నిత్య కల్యాణోత్సవాన్ని శాస్త్రోక్తంగా పూర్తి చేశారు.
దాదాపు రెండు గంటలపాటు సాగిన ఈ వేడుకలో పెద్ద సంఖ్యలో భక్తులు పాల్గొన్నారు. స్వామివారి కల్యాణాన్ని దర్శించుకుని తీర్థప్రసాదాలు స్వీకరించారు. శ్రీ లక్ష్మీనరసింహస్వామి ఆశీస్సులు పొందినట్లు భక్తులు ఆనందం వ్యక్తం చేశారు.
