టాటూ వేయించుకున్న మహిళకు హెచ్ఐవి.. కలుషిత సూదే కారణమని వైద్యుల అనుమానం

టాటూ వేయించుకున్న మహిళకు హెచ్ఐవి.. కలుషిత సూదే కారణమని వైద్యుల అనుమానం

కాన్పూర్‌కు చెందిన 32 ఏళ్ల మహిళ ఢిల్లీలోని ఓ టాటూ పార్లర్‌లో పచ్చబొట్టు వేయించుకుంది. కొన్ని వారాల తర్వాత ఆమెకు శరీరంలో ఇన్ఫెక్షన్ లక్షణాలు కనిపించడంతో ఆస్పత్రిలో చేరి చికిత్స పొందింది. వైద్యులు నిర్వహించిన పలు పరీక్షల్లో ఆమెకు హెచ్ఐవి సోకినట్లు నిర్ధారణ అయింది.

వైద్యుల ప్రాథమిక అంచనా ప్రకారం, టాటూ వేయడానికి ఉపయోగించిన స్టెరిలైజ్ చేయని లేదా కలుషితమైన సూది వల్ల వైరస్ సంక్రమించి ఉండవచ్చని భావిస్తున్నారు. ఈ విషయాన్ని జీఎస్‌వీఎం మెడికల్ కాలేజీ చర్మవ్యాధుల విభాగం వైద్యులు వెల్లడించినట్లు సమాచారం.

అయితే, హెచ్ఐవి సోకడానికి ఖచ్చితమైన కారణాన్ని నిర్ధారించేందుకు మరిన్ని వైద్య పరీక్షలు, దర్యాప్తు అవసరమని నిపుణులు సూచిస్తున్నారు. టాటూ వేయించుకునే ముందు పార్లర్ పరిశుభ్రత, ఒకసారి మాత్రమే ఉపయోగించే కొత్త సూదులు వినియోగిస్తున్నారో లేదో తప్పనిసరిగా నిర్ధారించుకోవాలని వైద్యులు సూచిస్తున్నారు.