దర్శిలో నామినేషన్ల వేళ ఉద్రిక్తత.. ఎస్సైకి గాయం

టీడీపీ, వైసీపీ శ్రేణులు గుమిగూడటంతో తోపులాట

ఇరువర్గాలను చెదరగొట్టిన పోలీసులు

దర్శి: దర్శి మున్సిపల్ ఎన్నికల నామినేషన్ల సందర్భంగా ఉద్రిక్తత చోటుచేసుకుంది. వైసీపీ శ్రేణులు భారీ సంఖ్యలో నామినేషన్లు దాఖలు చేసేందుకు తరలివచ్చాయి. ఈ క్రమంలో గడియారం స్తంభం వద్ద టీడీపీ, వైసీపీ శ్రేణులు పెద్ద సంఖ్యలో గుమిగూడాయి.

వారిని అదుపు చేసే క్రమంలో జరిగిన తోపులాటలో దర్శి ఎస్సై ఏడుకొండలకు తలకు గాయాలయ్యాయి. అనంతరం పోలీసులు రంగంలోకి దిగి ఇరువర్గాలకు చెందిన శ్రేణులను చెదరగొట్టారు.

ఈ ఘటనతో నామినేషన్ల కేంద్రం పరిసరాల్లో కొంతసేపు ఉద్రిక్త పరిస్థితులు నెలకొన్నాయి.