కనిగిరి మున్సిపల్ నామినేషన్ల గడువు పొడిగింపుపై ఉత్కంఠ
- పులి శాంతి నామినేషన్ తిరస్కరణపై వైఎస్సార్‌సీపీ అభ్యంతరం
- సుప్రీంకోర్టును ఆశ్రయించిన అభ్యర్థి.. 19 ప్రాంతాల్లో నామినేషన్లపై తీర్పు?
- నామినేషన్ల గడువు పొడిగింపుపై చర్చ
కనిగిరి | ఎన్ టుడే న్యూస్: కనిగిరి మున్సిపల్ ఎన్నికల నామినేషన్ల ప్రక్రియపై ఉత్కంఠ నెలకొంది. నామినేషన్ల పరిశీలన సందర్భంగా వైఎస్సార్‌సీపీ అభ్యర్థి పులి శాంతి నామినేషన్‌ను ఏకపక్షంగా వ్యవహరించి తిరస్కరించారని ఆరోపణలు వ్యక్తమయ్యాయి.
ఎన్నికల అధికారులు తమకు సహకరించలేదని, నామినేషన్ ప్రక్రియలో పాల్గొనేందుకు తమను లోపలికి అనుమతించలేదని పులి శాంతి వర్గం ఆరోపిస్తూ సుప్రీంకోర్టును ఆశ్రయించినట్లు సమాచారం.
రాష్ట్రంలోని 19 ప్రాంతాల్లో మున్సిపల్ నామినేషన్ల గడువు పొడిగింపునకు సంబంధించి సుప్రీంకోర్టు తీర్పు వెలువరించినట్లు సమాచారం. ఈ నేపథ్యంలో కనిగిరి మున్సిపల్ నామినేషన్ల గడువు కూడా పొడిగించే అవకాశం ఉందన్న ప్రచారం సాగుతోంది.
అయితే, కనిగిరికి సంబంధించి నామినేషన్ల గడువు పొడిగింపుపై ఎన్నికల సంఘం అధికారిక ప్రకటన, సుప్రీంకోర్టు తీర్పు పూర్తి వివరాలు నిర్ధారించాల్సి ఉంది. అధికారిక సమాచారం వెలువడిన తర్వాతే తదుపరి పరిణామాలపై స్పష్టత రానుంది.
