తెలంగాణలో మరో 3 రోజుల పాటు వర్షాలు

తెలంగాణలో మరో 3 రోజుల పాటు వర్షాలు

హైదరాబాద్: తెలంగాణ రాష్ట్రంలో వచ్చే మూడు రోజుల పాటు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది.

ఈరోజు రాష్ట్రంలోని పలు జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు పడే సూచనలు ఉన్నాయని తెలిపింది. గాలుల వేగం గంటకు 30–40 కిలోమీటర్ల వరకు ఉండొచ్చని హెచ్చరించింది.

ఆదిలాబాద్, కొమురంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, పెద్దపల్లి, వరంగల్, హనుమకొండ, సిద్దిపేట, వికారాబాద్, సంగారెడ్డి, మెదక్, కామారెడ్డి జిల్లాల్లో వర్షాలు కురిసే అవకాశం ఉందని పేర్కొంది.

అలాగే ఈ నెల 26, 27 తేదీల్లో రాష్ట్రవ్యాప్తంగా తేలికపాటి వర్షాలు కొనసాగవచ్చని అధికారులు తెలిపారు. ప్రజలు అప్రమత్తంగా ఉండాలని, ముఖ్యంగా మెరుపులు పడే సమయంలో బయటకు వెళ్లకుండా జాగ్రత్తలు తీసుకోవాలని సూచించారు.