తిరువూరులో ఘనంగా టీడీపీ ఆవిర్భావ దినోత్సవం

తిరువూరులో ఘనంగా టీడీపీ ఆవిర్భావ దినోత్సవం – ఆదిగురు హోమ్ ఫుడ్స్‌కు శుభారంభం

తిరువూరు, మార్చి 30:

తెలుగుదేశం పార్టీ 44వ ఆవిర్భావ దినోత్సవాన్ని పురస్కరించుకుని తిరువూరులో ఉత్సాహభరిత వాతావరణంలో ప్రత్యేక కార్యక్రమం నిర్వహించారు. ఈ సందర్భంగా ఆదిగురు హోమ్ ఫుడ్స్ అమ్మకాలను గౌరవ తిరువూరు శాసనసభ్యులు కొలికపూడి శ్రీనివాసరావు  ఘనంగా ప్రారంభించారు.

ఈ కార్యక్రమంలో పాల్గొన్న ఎమ్మెల్యే  కొలికపూడి శ్రీనివాసరావు  ఆదిగురు హోమ్ ఫుడ్స్ సభ్యులకు హృదయపూర్వక శుభాకాంక్షలు తెలియజేస్తూ, స్వయం ఉపాధి దిశగా వారు చేస్తున్న ప్రయత్నాలను అభినందించారు. గ్రామీణ మహిళల ఆర్థిక సాధికారతకు ఇలాంటి కార్యక్రమాలు ఎంతో దోహదపడతాయని ఆయన పేర్కొన్నారు.

ఈ వేడుకలో స్థానిక నాయకులు, పార్టీ కార్యకర్తలు, మహిళా సభ్యులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.