www.ntodaynews.com
జగిత్యాల మున్సిపల్ విజేతల సందడి
తెలంగాణ
జగిత్యాల మున్సిపల్ విజేతల సందడి – జిల్లా నాయకులను కలిసి కృతజ్ఞతలు తెలిపిన బిఆర్ఎస్ అభ్యర్థులు
NTODAY NEWS: గొల్లపల్లి ప్రతినిధి లక్ష్మణ్
జగిత్యాల పట్టణ మున్సిపల్ ఎన్నికల్లో విజయం సాధించిన బిఆర్ఎస్ పార్టీ అభ్యర్థులు శనివారం జిల్లా స్థాయి పార్టీ నాయకత్వాన్ని మర్యాదపూర్వకంగా కలిశారు. గెలుపొందిన దేవేందర్ నాయక్, అవారి పవిత్ర, శివ కేసరి బాబు, కోరుగంటి రాము, హరీష్ తదితరులు పార్టీ అగ్రనేతలకు కృతజ్ఞతలు తెలిపారు.
విజేతలు జిల్లా బిఆర్ఎస్ పార్టీ అధ్యక్షుడు కల్వకుంట్ల విద్యాసాగర్ రావు, ఎమ్మెల్సీ ఎల్. రమణ, కోరుట్ల ఎమ్మెల్యే డాక్టర్ సంజయ్ కుమార్, జిల్లా తొలి జడ్పీ చైర్పర్సన్ దావ వసంత సురేష్లను కలిసి శుభాకాంక్షలు అందుకున్నారు.
ఈ సందర్భంగా నాయకులు విజేతలను శాలువాలతో సన్మానించి అభినందనలు తెలిపారు. పట్టణ ప్రజల విశ్వాసాన్ని నిలబెట్టుకుంటూ అభివృద్ధి కార్యక్రమాల్లో చురుకుగా పాల్గొనాలని సూచించారు. పార్టీ బలోపేతం దిశగా కృషి చేయాలని కూడా మార్గనిర్దేశం చేశారు.
కార్యక్రమంలో పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.
#Jagtial #BRSParty #MunicipalElections #TelanganaPolitics #LocalBodyElections #PartyLeaders #CivicDevelopment
Follow us on
Website
Facebook
Instagram
YouTube 
