జింక మాంసంతో పట్టుబడ్డ ముగ్గురు.. రైఫిల్, బుల్లెట్లు స్వాధీనం
కర్ణాటకలో వాహన తనిఖీల్లో నిందితుల పట్టివేత.. నైట్ విజన్ టెలిస్కోప్‌లు, మొబైళ్లు కూడా స్వాధీనం
కర్ణాటకలో వాహన తనిఖీల సందర్భంగా జింక మాంసంతో ప్రయాణిస్తున్న ముగ్గురు నిందితులను పోలీసులు పట్టుకున్నారు. వారి కారులో రైఫిల్, బుల్లెట్లు, ఖాళీ కార్ట్రిడ్జ్‌లు, నైట్ విజన్ టెలిస్కోప్‌లు సహా పలు వస్తువులను స్వాధీనం చేసుకున్నారు.
నిందితులు సయ్యద్ హుస్సేన్, సయ్యద్ ఒమర్, మహ్మద్ హమీద్‌గా గుర్తించారు. వీరు కలబురగి జిల్లా అటవీ ప్రాంతంలో జింకల వేటకు వెళ్లినట్లు దర్యాప్తులో గుర్తించారు.
నిందితులు ప్రయాణిస్తున్న కారులో ఒక రైఫిల్, ఎనిమిది బుల్లెట్లు, 12 ఖాళీ కార్ట్రిడ్జ్‌లు, రెండు నైట్ విజన్ టెలిస్కోప్‌లు, ఒక బ్యాటరీ, నాలుగు మొబైల్ ఫోన్లను అధికారులు స్వాధీనం చేసుకున్నారు. ముగ్గురూ కలిసి 12 రౌండ్లు కాల్పులు జరిపినట్లు నిర్ధారించినట్లు సమాచారం.
ఈ ఘటనపై అధికారులు తదుపరి విచారణ చేపట్టారు. వేటకు సంబంధించిన పూర్తి వివరాలు, ఆయుధాల వినియోగంపై మరిన్ని వివరాలు వెల్లడికావాల్సి ఉంది.
