కొండపి ఎంపీటీసీ ఎన్నికల నామినేషన్ల తొలి రోజు రెండు దాఖలు
ఆంధ్రప్రదేశ్
/
ప్రకాశం
Thallapalli Lakshmana
కనిగిరి నియోజకవర్గ ప్రతినిధి
పెదకండ్లకుంట, చిన్నకండ్లకుంట స్థానాలకు వైసీపీ అభ్యర్థుల నామినేషన్లు
కొండపి, అక్టోబర్ 21 | ఎన్ టుడే న్యూస్: కొండపి మండలంలో జరగనున్న ఎంపీటీసీ ఎన్నికలకు సంబంధించి నామినేషన్ల ప్రక్రియ ప్రారంభమైంది. తొలి రోజు రెండు నామినేషన్లు దాఖలైనట్లు ఎన్నికల రిటర్నింగ్ అధికారి ఎం. రత్న మంజుల తెలిపారు.
ఎన్నికల కమిషన్ ఆదేశాల మేరకు మూడు రోజుల పాటు నామినేషన్లను స్వీకరించనున్నారు. ఈ ప్రక్రియలో భాగంగా తొలి రోజు పెదకండ్లకుంట ఎంపీటీసీ స్థానానికి వైఎస్సార్ కాంగ్రెస్ పార్టీ తరఫున ఆరు ముళ్ల స్వరూప రాణి నామినేషన్ దాఖలు చేశారు.
అలాగే చిన్నకండ్లకుంట ఎంపీటీసీ స్థానానికి వైసీపీ అభ్యర్థిగా పరస వెంకటలక్ష్మి నామినేషన్ సమర్పించినట్లు రిటర్నింగ్ అధికారి వెల్లడించారు.
మొదటి రోజు రెండు నామినేషన్లు దాఖలైనట్లు ఎన్నికల అధికారులు తెలిపారు.
