ఉరుమడ్ల చాకలి ఐలమ్మ వర్ధంతి సందర్భంగా ఘన నివాళులు

నల్లగొండ జిల్లా,  చిట్యాల మండలంలోని ఉరుమడ్ల గ్రామంలో వీరనారి చాకలి ఐలమ్మ వర్ధంతి కార్యక్రమాన్ని ఘనంగా నిర్వహించారు. ఈ సందర్భంగా చాకలి ఐలమ్మ చిత్రపటానికి పూలమాలలు వేసి ఘనంగా నివాళులర్పించారు.

ఈ సందర్భంగా పలువురు మాట్లాడుతూ.. తెలంగాణ రైతాంగ సాయుధ పోరాటంలో ధైర్యంగా నిలబడి, భూస్వామ్య దోపిడీకి వ్యతిరేకంగా పోరాడిన చాకలి ఐలమ్మ మహిళా శక్తికి, ఆత్మగౌరవానికి ప్రతీకగా నిలిచారని కొనియాడారు. పేదలు, రైతులు, మహిళల హక్కుల కోసం ఆమె చేసిన పోరాటం నేటి తరానికి స్ఫూర్తిదాయకమని అన్నారు.

ఈ కార్యక్రమంలో ఐతరాజు నరసింహ, చెరుకు సైదులు, గుత్తా రవీందర్ రెడ్డి, నడపరాజు వెంకటరమణ, చెరుకు శంకర్, చెరుకు యాదమ్మ, వనం మంజులతో పాటు పలువురు మహిళలు, గ్రామస్థులు పాల్గొని చాకలి ఐలమ్మకు నివాళులర్పించారు