ఉరుమడ్లలో ఘనంగా ముత్యాలమ్మ బోనాలు

నల్గొండ జిల్లా చిట్యాల మండలం ఉరుమడ్ల గ్రామంలో ముత్యాలమ్మ బోనాల పండుగను ఘనంగా నిర్వహించారు. గ్రామ ప్రజలు భక్తిశ్రద్ధలతో ముత్యాలమ్మ, ఎల్లమ్మ దేవతలకు బోనాలు సమర్పించి ప్రత్యేక పూజలు నిర్వహించారు. సకాలంలో వర్షాలు కురిసి పంటలు సమృద్ధిగా పండాలని, గ్రామ ప్రజలు సుఖసంతోషాలతో ఉండాలని గ్రామదేవతలను వేడుకున్నారు. మహిళలు పెద్ద సంఖ్యలో పాల్గొని బోనాలతో ఊరేగింపుగా వెళ్లి అమ్మవార్లకు నైవేద్యాలు సమర్పించారు. ఈ కార్యక్రమంలో గ్రామ సర్పంచ్, వార్డు సభ్యులు, గ్రామ పెద్దలు, మహిళలు, యువతతో పాటు గ్రామ ప్రజలు అధిక సంఖ్యలో పాల్గొన్నారు. పండుగ సందర్భంగా గ్రామంలో భక్తి వాతావరణం నెలకొంది.