గుత్తా సుఖేందర్ రెడ్డి, గుత్తా అమిత్ రెడ్డికి దసరా శుభాకాంక్షలు తెలిపిన ఉరుమడ్ల గ్రామ నాయకులు
- రాష్ట్రం అభివృద్ధి పథంలో మరింత ముందుకు సాగాలి
- విజయదశమి ప్రజల జీవితాల్లో సుఖసంతోషాలు నింపాలి
- కార్యక్రమంలో పాల్గొన్న నాయకులు
ఉరుమడ్ల, అక్టోబర్ 21 | ఎన్ టుడే న్యూస్: విజయదశమి పర్వదినాన్ని పురస్కరించుకుని శాసనమండలి చైర్మన్ గుత్తా సుఖేందర్ రెడ్డి, విజయ డెయిరీ చైర్మన్ గుత్తా అమిత్ రెడ్డికి ఉరుమడ్ల గ్రామ నాయకులు దసరా శుభాకాంక్షలు తెలిపారు.
ఈ సందర్భంగా నాయకులు మాట్లాడుతూ విజయదశమి పండుగ ప్రజల జీవితాల్లో సుఖసంతోషాలు, ఆయురారోగ్యాలు, ఐశ్వర్యం నింపాలని ఆకాంక్షించారు. తెలంగాణ రాష్ట్రం అభివృద్ధి పథంలో మరింత ముందుకు సాగాలని, ప్రజలందరూ ఆనందోత్సాహాలతో పండుగను జరుపుకోవాలని కోరుకుంటూ శుభాకాంక్షలు తెలియజేశారు.
ఈ కార్యక్రమంలో చిట్యాల మార్కెట్ కమిటీ డైరెక్టర్ కోనేటి యాదగిరి, తెలంగాణ ఉద్యమకారుల వేదిక నల్గొండ జిల్లా అధ్యక్షుడు పల్లపు బుద్ధుడు, చిట్యాల మున్సిపాలిటీ కౌన్సిలర్ నాగిళ్ల సుధాకర్, ఉరుమడ్ల గ్రామ శాఖ కాంగ్రెస్ పార్టీ అధ్యక్షుడు చెరుకు సైదులు, రేముడాల నరసింహ, పల్లపు రామకృష్ణ, గంగాపురం వెంకటేష్, పల్లపు శివ తదితరులు పాల్గొన్నారు.
