వెల్లంకి గ్రామంలో ఘనంగా చాకలి ఐలమ్మ వర్ధంతి వేడుకలు
తెలంగాణ
/
యాదాద్రి భువనగిరి
/
రామన్నపేట
/
వెల్లంకి
NTODAY NEWS
ప్రతి క్షణం - ప్రజల పక్షం
వెల్లంకి: యాదాద్రి భువనగిరి జిల్లా రామన్నపేట మండలం వెల్లంకి గ్రామంలో తెలంగాణ వీరనారి, తెలంగాణ సాయుధ పోరాట యోధురాలు చాకలి ఐలమ్మ వర్ధంతి కార్యక్రమాన్ని ఘనంగా నిర్వహించారు. శ్రీ శంభు లింగేశ్వర రజక సంఘం ఆధ్వర్యంలో ఈ కార్యక్రమం జరిగింది.
ఈ సందర్భంగా చాకలి ఐలమ్మ చిత్రపటానికి పూలమాలలు వేసి ఘనంగా నివాళులర్పించారు. వెట్టిచాకిరీకి వ్యతిరేకంగా, భూస్వామ్య విధానాలపై ఆమె సాగించిన వీరోచిత పోరాటాన్ని, ధైర్యసాహసాలను నాయకులు కొనియాడారు. తెలంగాణ ప్రజల హక్కుల కోసం ఐలమ్మ చేసిన పోరాటం తరతరాలకి స్పూర్తిదాయకమని పేర్కొన్నారు.
ఈ కార్యక్రమంలో రజక సంఘం ప్రతినిధులు, సభ్యులు, గ్రామస్థులు పెద్ద సంఖ్యలో పాల్గొని వర్ధంతి వేడుకలను విజయవంతం చేశారు.
