వెంకటాద్రి చెరువులో బోల్తా పడిన ట్రాక్టర్.. యువకుడు మృతి

ఏలూరు జిల్లా: చింతలపూడి మండలం రాఘవాపురం గ్రామ శివారులోని వెంకటాద్రి చెరువులో ట్రాక్టర్ బోల్తా పడిన ఘటనలో ఓ యువకుడు మృతి చెందాడు. ఈ ప్రమాదంలో మృతి చెందిన వ్యక్తిని టీ.నర్సాపురం మండలం సూరంపూడి గ్రామానికి చెందిన బొమ్మగాని జగదీష్ (27)గా గుర్తించారు. ట్రాక్టర్ చెరువులో బోల్తా పడటంతో యువకుడు ప్రాణాలు కోల్పోయినట్లు సమాచారం. ఘటన గురించి సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. ప్రమాదానికి గల కారణాలపై ఆరా తీస్తూ కేసు నమోదు చేసి దర్యాప్తు చేపట్టారు. యువకుడి మృతితో కుటుంబ సభ్యులు, బంధువులు విషాదంలో మునిగిపోయారు.