విజయనగరం: వైసీపీకి చిన్న శ్రీను రాజీనామా

ఉత్తరాంధ్రలో వైసీపీకి భారీ ఎదురుదెబ్బ తగిలింది. వైసీపీ కీలక నేత, బొత్స సత్యనారాయణ మేనల్లుడు మజ్జి శ్రీనివాసరావు (చిన్న శ్రీను) పార్టీకి రాజీనామా చేశారు.

విజయనగరం జిల్లా వైసీపీ అధ్యక్షుడిగా, భీమిలి నియోజకవర్గ ఇన్‌ఛార్జ్‌గా, విజయనగరం జిల్లా పరిషత్ చైర్మన్‌గా ఉన్న మజ్జి శ్రీనివాసరావు.. వైసీపీ ప్రాథమిక సభ్యత్వంతో పాటు జిల్లా అధ్యక్ష, భీమిలి నియోజకవర్గ ఇన్‌ఛార్జ్ పదవులకు కూడా రాజీనామా చేశారు.

చిన్న శ్రీను రాజీనామాతో ఉత్తరాంధ్ర రాజకీయాల్లో చర్చ మొదలైంది. వైసీపీలో కీలకంగా వ్యవహరించిన ఆయన పార్టీని వీడటం ఆ పార్టీకి రాజకీయంగా గట్టి దెబ్బగా రాజకీయ వర్గాలు భావిస్తున్నాయి.