వర్షాల కోసం గాడిదలకు పెళ్లి చేసిన బోరంపల్లి గ్రామస్తులు

వర్షాల కోసం గాడిదలకు పెళ్లి చేసిన బోరంపల్లి గ్రామస్తులు

అనంతపురం జిల్లా, జూలై 19: అనంతపురం జిల్లా కళ్యాణదుర్గం మండలం బోరంపల్లి గ్రామంలో వర్షాభావ పరిస్థితుల నేపథ్యంలో గ్రామస్తులు సంప్రదాయ విశ్వాసంతో గాడిదలకు వివాహం జరిపించారు.

వివాహం అనంతరం గాడిదలను గ్రామ వీధుల గుండా ఊరేగింపుగా తీసుకెళ్లి, నిండు బిందెలతో నీళ్లు పోస్తూ వరుణదేవుడు కరుణించి సమృద్ధిగా వర్షాలు కురిపించాలని ప్రత్యేక ప్రార్థనలు నిర్వహించారు.

పొలాలు పచ్చగా కళకళలాడాలని, పంటలు సమృద్ధిగా పండాలని, రైతుల కష్టాలు తొలగాలని గ్రామ ప్రజలు ఆకాంక్షిస్తూ ఈ సంప్రదాయ కార్యక్రమాన్ని నిర్వహించారు.