విస్సన్నపేట కోనేరు పార్కులో విషసర్పాల సంచారం.. సందర్శకుల్లో ఆందోళన

ఎన్టీఆర్ జిల్లా తిరువూరు నియోజకవర్గం, విస్సన్నపేట మండల కేంద్రంలోని కోనేరు పార్కులో విషసర్పాలు సంచరిస్తున్నాయనే ప్రచారం సందర్శకుల్లో ఆందోళన కలిగిస్తోంది. పార్కు పరిసరాల్లో కొండచిలువలు, త్రాచుపాములు కనిపిస్తున్నట్లు సందర్శకులు చెబుతున్నారు. దీంతో పార్కుకు వచ్చే వృద్ధులు, చిన్నారులు, మహిళలు అప్రమత్తంగా ఉండాలని సూచిస్తున్నారు. పార్కులో పాముల సంచారంపై సంబంధిత అధికారులు స్పందించి, పరిసరాలను పరిశీలించి తగిన చర్యలు తీసుకోవాలని సందర్శకులు కోరుతున్నారు. పాములు కనిపిస్తే వాటికి దగ్గరగా వెళ్లకుండా, వాటిని పట్టుకునే ప్రయత్నం చేయకుండా అటవీ శాఖ లేదా సంబంధిత అధికారులకు సమాచారం అందించాలని సూచిస్తున్నారు.