చిట్యాలలో పట్టభద్రుల ఓటరు నమోదు కార్యక్రమం
- నాలుగు వార్డుల్లో పర్యటించి దరఖాస్తులు అందించిన కాంగ్రెస్ నాయకులు
- అర్హులైన పట్టభద్రులు ఓటరుగా నమోదు చేసుకోవాలని పిలుపు
- నాలుగు వార్డుల్లో దరఖాస్తుల పంపిణీ
చిట్యాల | ఎన్ టుడే న్యూస్: నల్లగొండ–ఖమ్మం–వరంగల్ పట్టభద్రుల ఎమ్మెల్సీ ఎన్నికల నేపథ్యంలో చిట్యాల మున్సిపాలిటీలో పట్టభద్రుల ఓటరు నమోదు ప్రక్రియపై అవగాహన కార్యక్రమం నిర్వహించారు. అర్హులైన పట్టభద్రులు ఓటరుగా నమోదు చేసుకునేలా కాంగ్రెస్ నాయకులు పట్టణంలోని పలు వార్డుల్లో పర్యటించారు.
శనివారం చిట్యాల మున్సిపాలిటీలోని 1, 4, 9, 10వ వార్డుల్లో పర్యటించిన కాంగ్రెస్ నాయకులు అర్హులైన పట్టభద్రులకు ఓటరు నమోదు దరఖాస్తులు అందించారు. పట్టభద్రులు తమ పేర్లను ఓటరు జాబితాలో నమోదు చేసుకుని ఓటు హక్కును వినియోగించుకోవాలని సూచించారు.
ఈ కార్యక్రమంలో పందిరి రమేష్, పట్టణ కాంగ్రెస్ అధ్యక్షుడు ఎద్దులపురి కృష్ణ, వర్కింగ్ ప్రెసిడెంట్ జయారపు శివ, కౌన్సిలర్లు నాగిళ్ల సుధాకర్, కోనేటి ఎల్లయ్య, ఏర్పుల పరమేష్, కోఆప్షన్ సభ్యులు బెల్లి సత్తయ్య, ఏళ్ల శేఖర్, ఫరీద్, మల్లారెడ్డి తదితరులు పాల్గొన్నారు.
