కూకట్‌పల్లిలో వాటర్ బోర్డు సోదాలు.. 12 అక్రమ మోటార్లు సీజ్‌
తెలంగాణ
/
హైదరాబాద్
Seetha Kiran Kumar
Hanmakonda Mandal
కూకట్‌పల్లిలో వాటర్ బోర్డు సోదాలు.. 12 అక్రమ మోటార్లు సీజ్‌
హైదరాబాద్‌లోని కూకట్‌పల్లి జోన్‌ గాయత్రి నగర్‌ వార్డు పరిధిలోని వివేకానంద నగర్‌ కాలనీలో HMWSSB విజిలెన్స్ అధికారులు తనిఖీలు నిర్వహించి, తాగునీటి పైపులైన్లకు నేరుగా బిగించిన 12 అక్రమ మోటార్లను తొలగించారు.
గురువారం ఉదయం 8 నుంచి 10 గంటల వరకు ఏరియా మేనేజర్‌తో కలిసి అధికారులు ఈ తనిఖీలు చేపట్టారు. మోటార్లతో నేరుగా నీటిని తోడటం వల్ల పైపులైన్లలో నీటి ఒత్తిడి తగ్గి, ఇతర వినియోగదారులకు సరిపడా నీరు అందకపోవచ్చని బోర్డు హెచ్చరించింది.
అక్రమ మోటార్ల వినియోగాన్ని అరికట్టేందుకు తనిఖీలు కొనసాగిస్తామని, నిబంధనలు ఉల్లంఘించే వారిపై చర్యలు తీసుకుంటామని వాటర్ బోర్డు స్పష్టం చేసింది.
