పొలాలకు ట్యాంకర్లతో నీరు.. ఫీల్డ్ సూపర్‌వైజర్ శ్యాంసుందర్ రెడ్డి సస్పెండ్
తెలంగాణ
/
హన్మకొండ
Seetha Kiran Kumar
హన్మకొండ మండలం
- హనుమకొండ జిల్లా అనంతసాగర్‌లో ఘటన
- ట్యాంకర్లతో నీరు పారించిన వీడియోలు వైరల్ కావడంతో చర్యలు
- వీడియోలు వైరల్ కావడంతో నివేదిక
హనుమకొండ జిల్లా | ఎన్ టుడే న్యూస్: పొలాలకు ట్యాంకర్ల ద్వారా నీటిని సరఫరా చేసిన ఘటనకు సంబంధించి ఫీల్డ్ సూపర్‌వైజర్ నల్లాల శ్యాంసుందర్ రెడ్డిని అధికారులు సస్పెండ్ చేశారు. హనుమకొండ జిల్లా హసన్‌పర్తి మండలం అనంతసాగర్‌లో ఈ ఘటన చోటుచేసుకుంది.
అనంతసాగర్‌కు చెందిన రైతు నల్లాల శ్యాంసుందర్ రెడ్డి ఫీల్డ్ సూపర్‌వైజర్‌గా పనిచేస్తున్నారు. ఆయన పొలాలకు ట్యాంకర్ల ద్వారా నీటిని పారించిన వీడియోలు సామాజిక మాధ్యమాల్లో వైరల్ అయ్యాయి.
ఈ నేపథ్యంలో డీఆర్‌డీఏ అధికారి మేన శ్రీను శ్యాంసుందర్ రెడ్డి విధి నిర్వహణ, పనితీరుకు సంబంధించి నివేదికను హనుమకొండ జిల్లా కలెక్టర్‌కు పంపినట్లు సమాచారం. ఈ నివేదిక ఆధారంగా అధికారులు ఆయనపై సస్పెన్షన్ చర్యలు తీసుకున్నట్లు తెలిసింది.
అయితే, సస్పెన్షన్‌కు సంబంధించిన పూర్తి అధికారిక వివరాలు, సంబంధిత అధికారుల వివరణ తెలియాల్సి ఉంది.
