కాళ్లు పట్టుకుంటాం.. నామినేషన్లు వేయనివ్వండి

దర్శిలో అధికారులను వేడుకున్న వైసీపీ నాయకులు

దర్శి: మమ్మల్ని నామినేషన్లు వేయనివ్వండి అంటూ వైసీపీ నాయకులు అధికారులను వేడుకున్న ఘటన దర్శిలో చోటుచేసుకుంది.

దర్శి మున్సిపల్ ఎన్నికల నేపథ్యంలో నామినేషన్ల దాఖలుకు చివరి రోజు కావడంతో వైసీపీకి చెందిన కొందరు నాయకులు నామినేషన్ కేంద్రానికి చేరుకున్నారు. గడువు ముగిసేలోగా తమ నామినేషన్లను స్వీకరించాలని అధికారులను కోరారు.

ఈ క్రమంలో నాయకులు చేతులు జోడించి దండం పెడుతూ, నామినేషన్లు సమర్పించేందుకు అవకాశం ఇవ్వాలని విజ్ఞప్తి చేశారు. ఈ ఘటనకు సంబంధించిన వివరాలు స్థానికంగా చర్చనీయాంశంగా మారాయి.