వ్యవసాయ బావిలో పడి మహిళ మృతి

గార్ల మండలం సీతంపేటలో విషాదం

గార్ల | ఎన్ టుడే న్యూస్‌: వ్యవసాయ బావిలో పడి 21 ఏళ్ల మహిళ మృతి చెందిన ఘటన గార్ల మండలంలోని సీతంపేట గ్రామంలో చోటుచేసుకుంది.

స్థానికులు తెలిపిన వివరాల ప్రకారం.. గ్రామానికి చెందిన మహేశ్వరి శుక్రవారం ఉదయం ఇంటి నుంచి బయటకు వెళ్లింది. ఆమె తిరిగి ఇంటికి రాకపోవడంతో కుటుంబ సభ్యులు వెతకడం ప్రారంభించారు. ఈ క్రమంలో వ్యవసాయ బావిలో మహేశ్వరి మృతదేహాన్ని గుర్తించారు.

నాలుగేళ్ల క్రితం ప్రేమ వివాహం

మహేశ్వరి నాలుగేళ్ల క్రితం అదే గ్రామానికి చెందిన శేఖర్‌ను ప్రేమ వివాహం చేసుకుంది. ఈ దంపతులకు ఒక పాప, ఒక బాబు ఉన్నారు.

మహేశ్వరి మృతికి గల కారణాలు తెలియాల్సి ఉంది. ఘటనకు సంబంధించి పూర్తి వివరాలు వెల్లడికావాల్సి ఉంది.