సింహ వాహనంపై యోగ నరసింహ స్వామి
తెలంగాణ
సింహ వాహనంపై యోగ నరసింహ స్వామి విహారం
NTODAY NEWS: పుంగనూరు ప్రతినిధి రాఘవేంద్రరాజు
పుంగనూరు టీటీడీ పరిధిలోని శ్రీ కళ్యాణ వెంకటరమణ స్వామి వారి ఆలయంలో వార్షిక బ్రహ్మోత్సవాల్లో భాగంగా మూడవ రోజు ఉదయం స్వామివారు యోగ నరసింహ స్వామి అలంకారంలో సింహ వాహనంపై పురవీధుల్లో విహరించారు.
వాహనం ముందు మంగళ వాయిద్యాలు వినిపించగా, హిందూ ధర్మ ప్రచార పరిషత్ భజన, కోలాట బృందాలు భక్తిరసాన్ని పంచాయి. డప్పు వాయిద్యాలు, ఆలయంలో అన్నమాచార్య ప్రాజెక్ట్ ఆధ్వర్యంలో నిర్వహించిన సంగీత కార్యక్రమాలు భక్తులను అలరించాయి.
ఉదయం, సాయంత్రం ఆలయంలో విశేష హోమాలు నిర్వహించారు. పురవాసులు అడుగడుగున స్వామివారికి కర్పూర హారతులు సమర్పించారు. ఆలయంలో ఉదయం, సాయంత్రం అన్నప్రసాద వితరణ కొనసాగుతోంది. గోవింద నామాల పుస్తకాలను భక్తులకు ఉచితంగా అందజేస్తున్నారు.
నేటి సాయంత్రం కార్యక్రమం: ముత్యపు పందిరి వాహనం.
— కృష్ణమూర్తి
ఆలయ ఇన్స్పెక్టర్
#Punganur #Brahmotsavam #SimhaVahanam #TTD #TempleNews #AnnamayyaDistrict
Follow us on
Website
Facebook
Instagram
YouTube 
