విస్సన్నపేటలో వైఎస్సార్‌సీపీ సర్వసభ్య సమావేశం
స్థానిక సంస్థల ఎన్నికల్లో గెలుపే లక్ష్యంగా కలిసికట్టుగా పనిచేయాలి
ఎన్టీఆర్ జిల్లా, విస్సన్నపేటలోని ఆర్యవైశ్య కల్యాణ మండపంలో వైఎస్సార్‌సీపీ మండల సర్వసభ్య సమావేశం నిర్వహించారు. పట్టణ అధ్యక్షుడు నెక్కలపు వెంకట కుటుంబరావు అధ్యక్షతన జరిగిన ఈ సమావేశానికి తిరువూరు నియోజకవర్గ వైఎస్సార్‌సీపీ ఇన్‌చార్జి నల్లగట్ల స్వామిదాస్, మద్దిరెడ్డి సూర్యనారాయణరెడ్డి ముఖ్య అతిథులుగా పాల్గొన్నారు.
ఈ సందర్భంగా రాబోయే స్థానిక సంస్థల ఎన్నికల్లో పార్టీ విజయానికి నాయకులు, కార్యకర్తలు సమన్వయంతో పనిచేయాలని పిలుపునిచ్చారు. క్షేత్రస్థాయిలో పార్టీ శ్రేణులు అందుబాటులో ఉంటూ ప్రజలతో మమేకం కావాలని, ఎన్నికలను దృష్టిలో ఉంచుకుని సమష్టి కృషితో ముందుకు సాగాలని సమావేశంలో చర్చించినట్లు తెలిపారు.
ఈ సమావేశంలో స్థానిక సంస్థల ఎన్నికలకు సంబంధించి పార్టీ శ్రేణుల కార్యాచరణ, నాయకులు, కార్యకర్తల సమన్వయంపై చర్చించారు. కార్యక్రమంలో వైఎస్సార్‌సీపీ నాయకులు, కార్యకర్తలు భారీ సంఖ్యలో పాల్గొన్నారు.
