భారత మహిళల జట్టు ఇవాళ జింబాబ్వేతో తొలి వన్డే
జింబాబ్వేతో భారత్ తొలి వన్డే నేడు
వడోదర (ఎన్‌ టుడే న్యూస్‌): భారత మహిళల క్రికెట్ జట్టు నేడు జింబాబ్వేతో తొలి వన్డే మ్యాచ్‌లో తలపడనుంది. గుజరాత్‌లోని వడోదర వేదికగా మధ్యాహ్నం 2 గంటలకు మ్యాచ్ ప్రారంభం కానుంది. స్మృతి మంధాన కెప్టెన్సీలో భారత జట్టు బరిలోకి దిగనుండటంతో ఈ మ్యాచ్‌పై ఆసక్తి నెలకొంది.
ఇటీవల జింబాబ్వేతో జరిగిన మూడు టీ20ల సిరీస్‌లో భారత మహిళల జట్టు 3–0తో క్లీన్‌స్వీప్ సాధించింది. అదే జోరును వన్డే సిరీస్‌లోనూ కొనసాగించి తొలి మ్యాచ్‌లో విజయం సాధించాలని భారత్ భావిస్తోంది.
టీ20 సిరీస్‌లో ఆడిన అనుష్క శర్మ, నికీ ప్రసాద్‌ల స్థానంలో వన్డే జట్టులో ప్రతికా రావల్, హర్లీన్ డియోల్‌లకు అవకాశం దక్కింది. తొలి వన్డేలో తుది జట్టు కూర్పు ఎలా ఉంటుందన్నది ఆసక్తికరంగా మారింది.
మ్యాచ్ మధ్యాహ్నం 2 గంటలకు ప్రారంభం కానుండగా, టాస్ అంతకంటే ముందే జరగనుంది. టెలివిజన్‌లో స్టార్ స్పోర్ట్స్ నెట్‌వర్క్‌, ఆన్‌లైన్‌లో జియో హాట్‌స్టార్‌ ద్వారా మ్యాచ్‌ను ప్రత్యక్షంగా వీక్షించవచ్చు.
