కొలంబియాలో సైనిక విమానం కుప్పకూలింది

కొలంబియాలో సైనిక విమానం కుప్పకూలింది

కొలంబియా దక్షిణ ప్రాంతంలో సోమవారం ఘోర విమాన ప్రమాదం చోటుచేసుకుంది. 110 మంది సైనికులతో ప్రయాణిస్తున్న సైనిక విమానం కుప్పకూలినట్లు కొలంబియా రక్షణ మంత్రిత్వ శాఖ వెల్లడించింది.

పెరూ సరిహద్దు సమీపంలో ఈ ప్రమాదం సంభవించినట్లు అధికారులు తెలిపారు. దక్షిణ అమెజాన్ ప్రాంతంలోని ప్యూర్టో లెగీజామో నుంచి టేకాఫ్ అవుతున్న సమయంలో లాక్‌హీడ్ మార్టిన్ హెర్క్యులస్ సి-130 విమానం అదుపుతప్పి కూలిపోయిందని సమాచారం.

ఈ ప్రమాదంలో సైనికుల మృతులపై పూర్తి వివరాలు ఇంకా వెల్లడించలేదు. ఘటన స్థలంలో రక్షణ చర్యలు కొనసాగుతున్నాయి.