శుక్రవారం 24వ విడత 'పీఎం కిసాన్' నిధుల విడుదల

తెలంగాణ / Ntoday News (అక్టోబర్ 29) :

ప్రధాన మంత్రి కిసాన్ సమ్మాన్ నిధి(పీఎం-కిసాన్) పథ కానికి సంబంధించి 24వ విడత నిధులు ఈ నెల 30న (శుక్ర వారం) విడుదల కానున్నాయి. గుజరాత్ రాష్ట్రంలోని బన స్కంతలో నిర్వహించనున్న కార్యక్రమంలో ఉదయం 10:00 గంటలకు ప్రధానమంత్రి నరేంద్ర మోడీ ఈ నిధులను విడుదల చేయనున్నారు. ఈ కార్యక్రమం ద్వారా దేశవ్యా ప్తంగా ఉన్న అన్నదాతలతో పాటు రాష్ట్రంలోని అర్హులైన రైతుల బ్యాంకు ఖాతాల్లోకి నేరుగా (డీబీటీ) 24వ విడత ఆర్థిక సాయం జమ కానుంది. ప్రధాని మోడీ పాల్గొనే ఈ నిధుల విడుదల కార్యక్రమాన్ని రైతులు నేరుగా వీక్షించేందుకు వీలు గా ప్రత్యేక వెబ్కాస్ట్ సదుపాయాన్ని ఏర్పాటు చేశారు. రాష్ట్రంలోని రైతులందరూ శుక్రవారం ఉదయం 10 గంటలకు https://pmindiawebcast.nic.in లింక్పై క్లిక్ చేసి కార్యక్రమాన్ని లైవ్లో వీక్షించవచ్చని వ్యవసాయ శాఖ అధికా రులు సూచించారు. ఈ విడతలో సుమారు 9.34 కోట్ల మంది రైతుల బ్యాంకు ఖాతాల్లోకి ఒక్కొక్కరికి రూ.2వేల చొప్పున జమ కానున్నాయి. ఈ పథకం ద్వారా అర్హులైన రైతులకు సంవత్సరానికి రూ.6 వేల ఆర్థిక సాయం 3 విడతల్లో అందుతున్న విషయం తెలిసిందే.