బూరుగుగూడెంలో ప్రశాంతంగా కొనసాగుతున్న పోలింగ్ 22, 23వ బూత్‌లలో సుమారు 100 ఓట్లు పోలైనట్లు సమాచారం

ఏలూరు జిల్లా, నూజివీడు నియోజకవర్గం, చాట్రాయి మండలం బూరుగుగూడెం గ్రామంలో 22, 23వ నంబర్ పోలింగ్ బూత్‌లలో ఎన్నికల పోలింగ్ ప్రక్రియ ప్రశాంతంగా కొనసాగుతోంది. ఉదయం 7 గంటలకు ప్రారంభమైన ఓటింగ్ ప్రక్రియలో ఓటర్లు ఉత్సాహంగా పాల్గొంటున్నారు. ఉదయం 8 గంటల సమయానికి రెండు బూత్‌ల పరిధిలో కలిపి సుమారు 100 ఓట్లు పోలైనట్లు సమాచారం. పోలింగ్ కేంద్రాల వద్ద ఓటర్లు క్రమంగా బారులు తీరుతూ తమ ఓటు హక్కును వినియోగించుకుంటున్నారు. ఎలాంటి అవాంఛనీయ సంఘటనలు చోటుచేసుకోకుండా పోలింగ్ సజావుగా సాగుతోంది.