బెల్లంకొండలో సరస్వతీ దేవి అలంకరణలో దర్శనమిచ్చిన అమ్మవారు

15 ఏళ్లుగా కొనసాగుతున్న బతుకమ్మ వేడుకలు.. కోలాటాలతో సందడిగా మారిన ప్రాంగణం

బెల్లంకొండ: గ్రామంలోని జండా చెట్టు సమీపంలో ఉన్న పాల కేంద్రం వద్ద ఏర్పాటు చేసిన అమ్మవారి విగ్రహానికి నవరాత్రి ఉత్సవాల్లో భాగంగా ఆరవ రోజు ప్రత్యేక అలంకరణ చేశారు. ఈ సందర్భంగా అమ్మవారు సరస్వతీ దేవి అలంకరణలో భక్తులకు దర్శనమిచ్చారు.

ఈ సందర్భంగా భక్తులకు తీర్థప్రసాదాలు పంపిణీ చేశారు. చిన్నారులు, మహిళలు కలిసి కోలాటాలు ఆడుతూ ఉత్సవాల్లో ఉత్సాహంగా పాల్గొన్నారు. దీంతో ఆలయ ప్రాంగణం సందడిగా మారింది.

గ్రామంలో గత 15 సంవత్సరాలుగా బతుకమ్మ వేడుకలు నిర్వహిస్తున్నట్లు ఉత్సవ కమిటీ సభ్యులు తెలిపారు. ప్రతి ఏడాది సంప్రదాయబద్ధంగా వేడుకలను నిర్వహిస్తూ భక్తి, సాంస్కృతిక కార్యక్రమాలకు ప్రాధాన్యం ఇస్తున్నట్లు పేర్కొన్నారు.