బెల్లంకొండలో ఘనంగా దసరా వేడుకలు

బెల్లంకొండ (ఎన్‌ టుడే న్యూస్‌): దసరా పండుగను పురస్కరించుకుని బెల్లంకొండ గ్రామంలో భక్తిశ్రద్ధలతో ప్రత్యేక వేడుకలు నిర్వహించారు. ఈ సందర్భంగా శ్రీరాములవారు, శివపార్వతులు, వీరభద్రస్వామి వారి పల్లకులను గ్రామంలో ఊరేగించారు. భక్తులు ఈ కార్యక్రమంలో పాల్గొని స్వామివార్లను దర్శించుకున్నారు.

అనంతరం దసరా పండుగ విశిష్టతను వివరించి, సంప్రదాయ ఆచారాల ప్రాధాన్యతను తెలియజేశారు. ఈ వేడుకల్లో భాగంగా జమ్మిచెట్టు ఏర్పాటు చేసినట్లు నిర్వాహకులు తెలిపారు.

ఈ కార్యక్రమంలో పులుపుల ఫణికుమార్ శర్మ, దేవదాయ శాఖకు చెందిన జాలయ్య తదితరులు పాల్గొన్నారు. గ్రామంలో పండుగ వాతావరణం నెలకొంది.