మలిదశ ఉద్యమకారుల హౌస్ అరెస్ట్

NTODAY NEWS : చిట్యాల 

తెలంగాణ మలిదశ ఉద్యమకారుల సంక్షేమ సంఘం రాష్ట్ర ఉపాధ్యక్షుడు మంద వేణుగోపాల్ రెడ్డిని పోలీసులు హౌస్ అరెస్ట్ చేశారు ఈ సందర్భంగా వేణుగోపాల్ రెడ్డి మాట్లాడుతూ ఉద్యమకారుల హక్కులు, వారి కుటుంబాల సంక్షేమం కోసం ప్రజాస్వామ్యబద్ధంగా పోరాడుతున్న నాయకులను అడ్డుకోవడం సరైంది కాదని పేర్కొన్నారు. పోలీసుల ద్వారా ఉద్యమకారుల ఇళ్ల వద్దకు వెళ్లి భయభ్రాంతులకు గురిచేయడం, శాంతియుత నిరసన తెలిపే హక్కును కాలరాయడమేనని మంద వేణుగోపాల్ రెడ్డి ఆగ్రహం వ్యక్తం చేశారు. ఇలాంటి చర్యలకు ఉద్యమకారులు భయపడరని, ప్రభుత్వం వెంటనే స్పందించి వారి న్యాయమైన డిమాండ్లను పరిష్కరించాలని డిమాండ్ చేశారు. లేనిపక్షంలో రాష్ట్రవ్యాప్తంగా ఉద్యమకారులను ఏకం చేసి పెద్ద ఎత్తున ఆందోళనలు చేపడతామని హెచ్చరించారు.