డీజేలు, టపాసులు లేకుండా గణేశ్ నిమజ్జనం..

సింధుదుర్గ్‌లో ప్రశాంత దృశ్యం

మహారాష్ట్ర: సాధారణంగా గణేశ్ నిమజ్జన వేడుకల్లో డీజేల హోరు, టపాసుల మోతలు, భారీ ఊరేగింపులు కనిపిస్తుంటాయి. అయితే మహారాష్ట్రలోని సింధుదుర్గ్ కోట తీరంలో ఇందుకు భిన్నమైన వాతావరణం కనిపించింది.

కొంకణ్ ప్రాంత సంప్రదాయం ప్రకారం భక్తులు గణనాథుల విగ్రహాలను తలపై ఉంచుకుని భక్తిశ్రద్ధలతో ఊరేగింపుగా సముద్ర తీరానికి చేరుకున్నారు. ఎలాంటి ఆర్భాటం, భారీ శబ్దాలు లేకుండా ప్రశాంతంగా నిమజ్జన కార్యక్రమాన్ని నిర్వహించారు.

వందకు పైగా గణేశ్ విగ్రహాలను భక్తులు తీరానికి తీసుకెళ్తున్న దృశ్యాలు సామాజిక మాధ్యమాల్లో వైరల్‌గా మారాయి. సంప్రదాయబద్ధంగా, ప్రశాంత వాతావరణంలో సాగిన ఈ నిమజ్జన దృశ్యాలు నెటిజన్ల దృష్టిని ఆకర్షిస్తున్నాయి.