గుండెపోటుతో మృతి చెందిన క్వారీ వాచ్ మెన్

విధులు నిర్వహిస్తుండగా గుండెపోటు.. క్వారీ వాచ్‌మెన్ మృతి

కేసముద్రం (ఎన్‌ టుడే న్యూస్‌): విధులు నిర్వహిస్తుండగా గుండెపోటు రావడంతో క్వారీ వాచ్‌మెన్ మృతి చెందిన ఘటన గురువారం తెల్లవారుజామున చోటుచేసుకుంది.

పోలీసుల వివరాల ప్రకారం.. దామరవంచ గ్రామానికి చెందిన దారం లక్ష్మీనారాయణ (60) బెరువాడ సమీపంలోని కాకతీయ గ్రానైట్ క్వారీలో వాచ్‌మెన్‌గా పనిచేస్తున్నారు. ఈ క్రమంలో గురువారం తెల్లవారుజామున క్వారీ వద్ద విధులు నిర్వహిస్తుండగా ఆయనకు తీవ్ర గుండెపోటు వచ్చింది. దీంతో లక్ష్మీనారాయణ అక్కడికక్కడే మృతి చెందారు.

సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.