మరో తుపాను ముప్పు? పేరు అక్వాన్ (AKVAN)

బంగాళాఖాతంలో మరో తుపాను ఏర్పడే అవకాశాలపై చర్చ మొదలైంది. అక్వాన్ (Akvan) పేరుతో కొత్త తుపాను ఏర్పడవచ్చని కొన్ని వాతావరణ నివేదికల్లో ప్రస్తావన రావడంతో ప్రజల్లో ఆసక్తి నెలకొంది. నవంబర్ 11 నుంచి 16 మధ్య సముద్రంలో వాతావరణ మార్పులు చోటుచేసుకునే అవకాశం ఉందని సమాచారం అయితే ఈ తేదీల్లో అక్వాన్ తుపాను ఏర్పడుతుందని భారత వాతావరణ శాఖ (IMD) ఇప్పటివరకు అధికారికంగా ధృవీకరించలేదు. తుపాను తీవ్రత, దిశ, తీర ప్రాంతాలపై ప్రభావం వంటి అంశాలపై కూడా స్పష్టత లేదు. ప్రజలు ఆందోళన చెందకుండా అప్రమత్తంగా ఉండాలి. వాతావరణ శాఖ విడుదల చేసే అధికారిక హెచ్చరికలను మాత్రమే విశ్వసించాలి. ముఖ్యంగా తీర ప్రాంత మత్స్యకారులు, రైతులు తాజా వాతావరణ సమాచారాన్ని గమనిస్తూ తగిన జాగ్రత్తలు తీసుకోవాలి.