చిన్నారుల బంగారు భవిష్యత్తుకు తొలి అడుగు

• చిన్నారుల బంగారు భవిష్యత్తుకు తొలి అడుగు
• అంగన్‌వాడీ కేంద్రాల్లో అక్షరాభ్యాసం, మొదటి ముద్ద కార్యక్రమాలు..
• ముఖ్య అతిథిగా పాల్గొన్న మున్సిపల్ చైర్‌పర్సన్ బానోత్ సునీత వెంకన్న

కేసముద్రం (ఎన్‌ టుడే న్యూస్‌): కేసముద్రం మున్సిపాలిటీ పరిధిలోని 2వ వార్డు రేకులతండా, 12వ వార్డులో ఉన్న అంగన్‌వాడీ కేంద్రాల్లో నిర్వహించిన అక్షరాభ్యాసం, మొదటి ముద్ద కార్యక్రమాలకు మున్సిపల్ చైర్‌పర్సన్ బానోత్ సునీత వెంకన్న ముఖ్య అతిథిగా హాజరయ్యారు. ఈ కార్యక్రమంలో 12వ వార్డు కౌన్సిలర్ తరాల వీరేష్ యాదవ్ కూడా పాల్గొన్నారు.

ఈ సందర్భంగా చైర్‌పర్సన్ కార్యక్రమాలను ప్రారంభించి చిన్నారులకు అక్షరాభ్యాసం చేయించారు. మొదటి ముద్ద కార్యక్రమంలో పాల్గొని చిన్నారులను ఆశీర్వదించారు. చిన్నారుల విద్యాభ్యాసం, ఆరోగ్యం, పోషణలో అంగన్‌వాడీ కేంద్రాలు కీలక పాత్ర పోషిస్తున్నాయని పేర్కొన్నారు. ప్రతి చిన్నారికి నాణ్యమైన విద్యతో పాటు పౌష్టికాహారం అందించి వారి ఉజ్వల భవిష్యత్తుకు బాటలు వేయాలని సూచించారు.

ప్రాథమిక పాఠశాలను సందర్శించిన చైర్‌పర్సన్

అనంతరం కేసముద్రం మున్సిపాలిటీ పరిధిలోని ప్రాథమిక పాఠశాలను చైర్‌పర్సన్ సందర్శించారు. ప్రధానోపాధ్యాయులు, విద్యార్థులతో మాట్లాడి పాఠశాలలో ఉన్న వసతులు, విద్యార్థులు ఎదుర్కొంటున్న సమస్యలను అడిగి తెలుసుకున్నారు. విద్యార్థులు తెలిపిన సమస్యల పరిష్కారానికి తగిన చర్యలు తీసుకుంటామని హామీ ఇచ్చారు.

ఈ కార్యక్రమంలో ప్రధానోపాధ్యాయులు బానోత్ దేవినాథ్ సింగ్, అంగన్‌వాడీ టీచర్లు దుర్గ, లలిత, ప్రభురాణి తదితరులు పాల్గొన్నారు.