వెల్లంకి పాఠశాల విద్యార్థులకు రూ.30 వేల ఉపకార వేతనాలు

• పేద, ప్రతిభావంతులైన విద్యార్థులకు
• చావలి లక్ష్మీ సులోచన ఫౌండేషన్ ఆర్థిక చేయూత

వెల్లంకి (ఎన్‌ టుడే న్యూస్‌): యాదాద్రి భువనగిరి జిల్లా రామన్నపేట మండలం వెల్లంకిలోని జిల్లా పరిషత్ ఉన్నత పాఠశాలలో పేద, ప్రతిభావంతులైన విద్యార్థులకు రూ.30,000 విలువైన ఉపకార వేతనాలను అందజేశారు. చావలి లక్ష్మీ సులోచన ఫౌండేషన్ పంపించిన ఈ ఉపకార వేతనాలను పాఠశాల ప్రధానోపాధ్యాయులు తంగెళ్ల సురేందర్ రెడ్డి విద్యార్థినీ విద్యార్థులకు వారి తల్లిదండ్రుల సమక్షంలో అందించారు.

ఈ సందర్భంగా ప్రధానోపాధ్యాయులు మాట్లాడుతూ.. విద్యార్థులు క్రమశిక్షణను అలవర్చుకొని శ్రద్ధగా చదువుకోవాలని సూచించారు. విద్యతో పాటు అన్ని రంగాల్లోనూ ప్రతిభ కనబరుస్తూ ఉన్నత స్థాయికి ఎదగాలని ఆకాంక్షించారు.

ఉపాధ్యాయులు, తల్లిదండ్రులు ఉపకార వేతనాలు పొందిన విద్యార్థులను అభినందించారు. విద్యార్థుల చదువుకు ఆర్థిక సహాయం అందించిన చావలి లక్ష్మీ సులోచన ఫౌండేషన్‌కు ప్రత్యేక కృతజ్ఞతలు తెలిపారు.

ఈ కార్యక్రమంలో ఉపాధ్యాయులు ఏ. సత్తిరెడ్డి, ఎం. శ్రీనివాస్ రెడ్డి, వై. రవికుమార్, ఎస్. శివారెడ్డి, కె. హేమలత, నర్మద, ఉమా మహేశ్వరి, కె. స్వప్న, వి. జ్యోతి, టి. వసంత తదితరులు పాల్గొన్నారు.