వరంగల్ సూపర్ స్పెషాలిటీ ఆస్పత్రి నిర్మాణ పనుల పరిశీలన

వరంగల్: నగరంలోని సూపర్ స్పెషాలిటీ ఆస్పత్రి నిర్మాణ పనులను తెలంగాణ వైద్యారోగ్యశాఖ కార్యదర్శి క్రిస్టియాన పరిశీలించారు. పూర్తిదశకు చేరుకున్న నిర్మాణ పనులను ఆమె పరిశీలించి, ఆస్పత్రిలోని పలు అంతస్తులు, వివిధ విభాగాలను సందర్శించారు.

ఈ సందర్భంగా నిర్మాణ పనుల పురోగతిపై అధికారులను వివరాలు అడిగి తెలుసుకున్నారు. మిగిలిన పనులను వీలైనంత త్వరగా పూర్తి చేసి ఆస్పత్రిని ప్రారంభానికి సిద్ధం చేయాలని వరంగల్, హనుమకొండ జిల్లాల కలెక్టర్లు డాక్టర్ సత్య శారద, చాహత్ బాజ్‌పాయ్‌లను ఆదేశించారు.

ఆస్పత్రి అందుబాటులోకి వస్తే వరంగల్ నగరంతో పాటు పరిసర ప్రాంతాల ప్రజలకు మెరుగైన వైద్య సేవలు అందించే అవకాశం ఉంటుందని అధికారులు తెలిపారు.

ఈ పర్యటనలో డీఎంఈ వాణితో పాటు వైద్యారోగ్యశాఖకు చెందిన పలువురు అధికారులు పాల్గొన్నారు.