పర్వతాపురంలో ప్రశాంతంగా కొనసాగుతున్న పోలింగ్

ఉదయం 10 గంటల వరకు 175 ఓట్లు నమోదు

ఏలూరు జిల్లా, నూజివీడు నియోజకవర్గం, చాట్రాయి మండలం పర్వతాపురం గ్రామంలో ఎంపీటీసీ, జెడ్పీటీసీ ఎన్నికల పోలింగ్ ప్రశాంత వాతావరణంలో సజావుగా కొనసాగుతోంది. గురువారం ఉదయం 7 గంటలకు ప్రారంభమైన ఓటింగ్ ప్రక్రియలో ఓటర్లు క్రమంగా తమ ఓటు హక్కును వినియోగించుకుంటున్నారు. ఉదయం 10 గంటల సమయానికి గ్రామంలో 175 ఓట్లు పోలైనట్లు సమాచారం. ఎలాంటి అవాంఛనీయ సంఘటనలు చోటుచేసుకోకుండా పోలింగ్ ప్రక్రియ కొనసాగుతుండటంతో ఎన్నికల సిబ్బంది, అధికారులు పర్యవేక్షణ చేస్తున్నారు. ఓటర్లు ఉత్సాహంగా పోలింగ్ కేంద్రాలకు చేరుకుని ప్రజాస్వామ్య ప్రక్రియలో భాగస్వాములవుతున్నారు.