వరంగల్ కలెక్టరేట్లో ఘనంగా విశ్వకర్మ జయంతి వేడుకలు
తెలంగాణ
/
హన్మకొండ
Seetha Kiran Kumar
Hanmakonda Mandal
వరంగల్, NTODAYన్యూస్: వరంగల్ కలెక్టరేట్లో గురువారం విశ్వకర్మ జాతి ఆరాధ్య దైవం శ్రీమద్విరాట్ విశ్వకర్మ పరమేశ్వరుని జయంతి వేడుకలను ఘనంగా నిర్వహించారు. రాష్ట్ర ప్లానింగ్ బోర్డు వైస్ చైర్పర్సన్ గద్వాల విజయలక్ష్మి జ్యోతి ప్రజ్వలన చేసి కార్యక్రమాన్ని ప్రారంభించారు.
ఈ సందర్భంగా గద్వాల విజయలక్ష్మి మాట్లాడుతూ విశ్వకర్మ వర్గాల సంక్షేమానికి ప్రభుత్వం పలు కార్యక్రమాలను చేపడుతోందని తెలిపారు. అర్హులైన వారికి ప్రభుత్వ సంక్షేమ పథకాలు అందేలా చర్యలు తీసుకుంటున్నట్లు పేర్కొన్నారు. విశ్వకర్మ వర్గాల అభివృద్ధికి ప్రభుత్వం అందిస్తున్న సహకారాన్ని వివరించారు.
కార్యక్రమంలో వరంగల్ జిల్లా కలెక్టర్ డాక్టర్ సత్యశారదతో పాటు రాష్ట్ర విశ్వబ్రాహ్మణ విశ్వకర్మ మాతృ సంఘం నాయకులు, ప్రతినిధులు, అధికారులు తదితరులు పాల్గొన్నారు. ఈ సందర్భంగా విశ్వకర్మ పరమేశ్వరునికి ప్రత్యేక పూజలు నిర్వహించి జయంతి వేడుకలను నిర్వహించారు.
