Mahabubabad: టీపీటీఎఫ్ గార్ల మండల నూతన కార్యవర్గం ఏకగ్రీవ ఎన్నిక

అధ్యక్షుడిగా పాపావత్ యాదగిరి నాయక్, ప్రధాన కార్యదర్శిగా జి. బాలాజీ నాయక్

గార్ల, నవంబర్ 1 (ఎన్ టుడే న్యూస్):

గార్ల మండల కేంద్రంలోని వర్తక సంఘం భవనంలో శనివారం తెలంగాణ ప్రోగ్రెసివ్ టీచర్స్ ఫెడరేషన్ (టీపీటీఎఫ్) సర్వసభ్య సమావేశం నిర్వహించారు. ఈ సమావేశంలో టీపీటీఎఫ్ గార్ల మండల నూతన కార్యవర్గాన్ని ఏకగ్రీవంగా ఎన్నుకున్నారు.

నూతన కార్యవర్గం ఎన్నిక

మహబూబాబాద్ జిల్లా అధ్యక్షుడు బి. రమేష్ అధ్యక్షతన జరిగిన ఈ సమావేశానికి ఆర్. ఉపేందర్ ఎన్నికల అధికారిగా వ్యవహరించారు. నూతన మండల అధ్యక్షుడిగా పాపావత్ యాదగిరి నాయక్, ప్రధాన కార్యదర్శిగా జి. బాలాజీ నాయక్ ఎన్నికయ్యారు.

ఉద్యోగ, ఉపాధ్యాయ సమస్యలు పరిష్కరించాలి

ఈ సందర్భంగా సంఘం నాయకులు మాట్లాడుతూ.. ఉద్యోగులు, ఉపాధ్యాయులకు రావాల్సిన పీఆర్సీని వెంటనే అమలు చేయాలని ప్రభుత్వాన్ని డిమాండ్ చేశారు. పెండింగ్‌లో ఉన్న డీఏ బకాయిలను తక్షణమే చెల్లించాలని కోరారు. దీర్ఘకాలంగా పరిష్కారానికి నోచుకోని ఉద్యోగ, ఉపాధ్యాయ సమస్యలను ప్రభుత్వం వెంటనే పరిష్కరించాలని విజ్ఞప్తి చేశారు.

ఉద్యోగ, ఉపాధ్యాయుల హక్కుల సాధన కోసం టీపీటీఎఫ్ నిరంతరం కృషి చేస్తుందని నాయకులు తెలిపారు.