సంస్థాన్ నారాయణపురంలో చార్మినార్ టీ అండ్ స్నాక్స్ షాప్ ప్రారంభం

నూతన వ్యాపార సంస్థను ప్రారంభించిన గ్రామ సర్పంచ్ ఉప్పల విజయలక్ష్మి లింగస్వామి

సంస్థాన్ నారాయణపురం: మండల కేంద్రంలోని స్థానిక చౌరస్తాలో శ్రీ రామలింగేశ్వర స్వామి దేవాలయం ఎదురుగా నూతనంగా ఏర్పాటు చేసిన చార్మినార్ టీ అండ్ స్నాక్స్ షాప్ ప్రారంభమైంది. గ్రామ సర్పంచ్ ఉప్పల విజయలక్ష్మి లింగస్వామి ముఖ్య అతిథిగా హాజరై షాపును ప్రారంభించారు.

చింతపల్లి మండలానికి చెందిన నిర్వాహకుడు కడారి అంజయ్య ఆధ్వర్యంలో ఈ నూతన టీ అండ్ స్నాక్స్ షాప్‌ను ఏర్పాటు చేశారు. ప్రారంభోత్సవ కార్యక్రమంలో సర్పంచ్ ఉప్పల విజయలక్ష్మి లింగస్వామి షాపును ప్రారంభించి నిర్వాహకులకు శుభాకాంక్షలు తెలిపారు. నూతనంగా వ్యాపారాన్ని ప్రారంభించిన నిర్వాహకులు వ్యాపారంలో అభివృద్ధి సాధించాలని ఆకాంక్షించారు.

అనంతరం షాపు నిర్వాహకులు సర్పంచ్ ఉప్పల విజయలక్ష్మి లింగస్వామితో పాటు గ్రామ పాలకవర్గ సభ్యులను శాలువాలతో ఘనంగా సత్కరించారు. ప్రారంభోత్సవ కార్యక్రమం సందర్భంగా స్థానిక ప్రజాప్రతినిధులు, నాయకులు, గ్రామస్తులు పాల్గొని నిర్వాహకులకు అభినందనలు తెలిపారు.

ఈ కార్యక్రమంలో గ్రామ ఉపసర్పంచ్ పల్లె మల్లారెడ్డి, జిల్లా కాంగ్రెస్ పార్టీ నాయకుడు మందుగుల బాలకృష్ణ, వార్డు సభ్యులు సూరపల్లి వెంకటేష్, సభావత రఘునాయక్, బల్గూరి శివసాగర్, ఎండీ అలీమా యూసఫ్, పల్లె గోపాల్ రెడ్డి, రాసమల్ల వీరస్వామి, షాపు నిర్వాహకులు, గ్రామ ప్రజలు తదితరులు పాల్గొన్నారు.