సంతకవిటి మండలంలో వైసీపీకి ఎదురుదెబ్బ.. టీడీపీలోకి 120 కుటుంబాలు

తమరాం గ్రామానికి చెందిన మాజీ సర్పంచ్ ఆడంగి గౌరునాయుడు ఆధ్వర్యంలో చేరికలు.. కొల్ల అప్పలనాయుడు సమక్షంలో పార్టీ కండువాలు కప్పుకున్న నాయకులు, కార్యకర్తలు

విజయనగరం జిల్లా, నవంబర్ 12: సంతకవిటి మండలంలో వైఎస్సార్ కాంగ్రెస్ పార్టీకి చెందిన 120 కుటుంబాలు తెలుగుదేశం పార్టీలో చేరాయి. మండలంలోని తమరాం గ్రామానికి చెందిన మాజీ సర్పంచ్ ఆడంగి గౌరునాయుడు ఆధ్వర్యంలో ఈ చేరికలు జరిగాయి. గురువారం నిర్వహించిన కార్యక్రమంలో తెలుగుదేశం పార్టీ కార్యనిర్వాహక కార్యదర్శి కొల్ల అప్పలనాయుడు సమక్షంలో వారు వైసీపీని వీడి టీడీపీ తీర్థం పుచ్చుకున్నారు.

రాజాం నియోజకవర్గ ఎమ్మెల్యే, మాజీ మంత్రి కోండ్రు మురళీమోహన్ చేపట్టిన అభివృద్ధి కార్యక్రమాలను చూసి తాము తెలుగుదేశం పార్టీలో చేరాలని నిర్ణయించుకున్నట్లు చేరిన వారు పేర్కొన్నారని పార్టీ వర్గాలు తెలిపాయి. ఈ సందర్భంగా కొల్ల అప్పలనాయుడు, సంతకవిటి మండల టీడీపీ ఎంపీపీ అభ్యర్థి కొల్ల యశస్సు నూతనంగా పార్టీలో చేరిన వారికి పార్టీ కండువాలు కప్పి సాదరంగా ఆహ్వానించారు.

ఈ కార్యక్రమంలో పార్టీలో చేరిన వారిలో తవిటినాయుడు, శ్రీరాములు, ఆనందరావు, రామమూర్తి, అప్పన్న, అప్పలసూరి, సనపల సంతోష్ కుమార్, పారన్నాయుడు, ధర్మారావు, సూరపనాయుడు, అప్పలనాయుడు, బొమ్మళి రమణమూర్తి, రామారావు, సవళాపురపు జగన్నాధం, గోపీ, చింతనిప్పుల రమణ, సవళాపురపు రమణ, దామోదర, గోవింద, కంచరాపు రమణమూర్తి, అప్పారావు తదితరులు ఉన్నారు. వీరితో పాటు మొత్తం 120 కుటుంబాలు టీడీపీలో చేరినట్లు నిర్వాహకులు వెల్లడించారు.

ఈ కార్యక్రమంలో సంతకవిటి మండల టీడీపీ అధ్యక్షుడు గట్టి భాను, రాజాం నియోజకవర్గ వాణిజ్య విభాగం అధ్యక్షుడు వల్లూరు గణేష్‌తో పాటు మండలానికి చెందిన పలువురు టీడీపీ నాయకులు పాల్గొన్నారు. పార్టీ బలోపేతానికి కృషి చేయాలని ఈ సందర్భంగా నూతనంగా చేరిన వారికి నాయకులు సూచించారు.