విశాఖపట్నంలో డిప్యూటీ సీఎం పవన్ కళ్యాణ్‌తో మంత్రి నారా లోకేష్ భేటీ

విశాఖపట్నంలో రాష్ట్ర ఉప ముఖ్యమంత్రి పవన్ కళ్యాణ్‌తో మంత్రి నారా లోకేష్ మర్యాదపూర్వకంగా సమావేశమయ్యారు. ఈ సందర్భంగా రాష్ట్రానికి పెట్టుబడులు తీసుకువచ్చే దిశగా జరుగుతున్న ప్రయత్నాలు, వివిధ సంస్థల నుంచి వస్తున్న స్పందనపై ఇరువురు చర్చించినట్లు సమాచారం. ముఖ్యంగా రాష్ట్రంలో పెట్టుబడులు పెట్టేందుకు ఆసక్తి చూపుతున్న పారిశ్రామికవేత్తలు, పెట్టుబడిదారుల వివరాలను మంత్రి నారా లోకేష్ ఉప ముఖ్యమంత్రి పవన్ కళ్యాణ్‌కు వివరించారు. రాష్ట్రంలో పారిశ్రామిక అభివృద్ధి, కొత్త సంస్థల ఏర్పాటు, యువతకు ఉపాధి అవకాశాల కల్పన లక్ష్యంగా పెట్టుబడుల ఆకర్షణకు ప్రభుత్వం చేస్తున్న ప్రయత్నాలపై చర్చించారు. పెట్టుబడుల రాక కోసం చొరవ తీసుకుంటూ రాష్ట్ర అభివృద్ధికి కృషి చేస్తున్న మంత్రి నారా లోకేష్‌ను ఈ సందర్భంగా పవన్ కళ్యాణ్ అభినందించారు. రాష్ట్రానికి మరిన్ని పెట్టుబడులు రావడం ద్వారా పారిశ్రామిక రంగం అభివృద్ధి చెందడంతో పాటు స్థానికంగా ఉద్యోగ, ఉపాధి అవకాశాలు పెరుగుతాయని ఈ భేటీలో ప్రాధాన్యత సంతరించుకుంది.