Gudur: గూడూరులో ఇందిరమ్మ ఇంటి నిర్మాణానికి భూమిపూజ

లబ్ధిదారు పలసం బాలమణి నూతన ఇంటి నిర్మాణానికి ముగ్గు పోసి పూజలు నిర్వహించిన ప్రజాప్రతినిధులు

గూడూరు, నవంబర్ 1 (ఎన్ టుడే న్యూస్):

ప్రభుత్వం ప్రతిష్ఠాత్మకంగా చేపట్టిన ఇందిరమ్మ ఇళ్ల పథకంలో భాగంగా గూడూరు గ్రామంలో పలసం బాలమణి నూతన ఇంటి నిర్మాణానికి ఆదివారం శ్రీకారం చుట్టారు. ఈ సందర్భంగా ఇంటి నిర్మాణ స్థలంలో ముగ్గు పోసి ప్రత్యేక పూజా కార్యక్రమం నిర్వహించారు.

ప్రజాప్రతినిధుల ఆధ్వర్యంలో పూజలు

ఈ కార్యక్రమంలో గ్రామ సర్పంచ్ బింగి అలివేలుమంగ శ్రీనివాస్, ఉపసర్పంచ్ జానా సత్యనారాయణ పాల్గొని ఇంటి నిర్మాణ పనులకు శుభారంభం చేశారు. ఇందిరమ్మ ఇళ్ల పథకం ద్వారా అర్హులైన పేద కుటుంబాలకు సొంతింటి కల నెరవేరుతుండటం సంతోషకరమని ఈ సందర్భంగా పేర్కొన్నారు.

పాల్గొన్న నాయకులు, గ్రామస్తులు

ఈ కార్యక్రమంలో పాలకవర్గ సభ్యులు రామిడి కుమార్ రెడ్డి, అంకర్ల శ్రీనివాస్, దొనకొండ శ్రీరాములు, కసగోని అరుణ, సత్య గౌడ్, కాంగ్రెస్ పార్టీ గ్రామ శాఖ అధ్యక్షుడు పాలకూర శ్రీనివాస్ గౌడ్, గ్రామ పెద్దలు కుశంగల దశరథ, అంకర్ల అశోక్, రాంపల్లి శ్రీనివాస్ గౌడ్‌తో పాటు గ్రామ ప్రజలు తదితరులు పాల్గొన్నారు.